MADHARA YA ZINAA (KATIKA JAMII)

INSHA MADHARA YA ZINAA KATIKA JAMII Nini maana ya zinaa? Zinaa ni neno lenye asili ya kiarabu lenye maana ya kufanya mapenzi baina...

INSHA

MADHARA YA ZINAA KATIKA JAMII

Nini maana ya zinaa?

Zinaa ni neno lenye asili ya kiarabu lenye maana ya kufanya mapenzi baina ya mwanaume na mwanamke ambao hawajafunga ndoa kisheria. kwa Kiswahili chetu tunaweza kuita uzinzi.

Nini sababu za zinaa?

Zipo sababu nyingi ambazo zinaweza kusababisha kitendo hiki katika jamii inayotuzunguka. Mimi nitataja sababu chache kutokana na mtazamo wangu tu.

1.     Utandawazi

Utandawazi umekuwa ni miongoni mwa vitu ambavo vimesababisha kukithiri kwa matendo machafu katika jamii hususan zinaa. Kutokana na kukithiri kwa mitandao ya kijamii isio na maadili, televisheni, magazeti, radio n.k imekuwa ni miongoni mwa sababu kubwa za kuwafanya watu wazame sana katika dimbwi hili la hatari. 

Hii ni kutokana na elimu za mapenzi zinazotolewa ovyo bila mipaka katika vyombo hivyo. Hivyo basi watu wengi wakiwemo vijana wadogo wanazifuatilia elimu hizo na kuzifanyia kazi hali yakuwa hawajaowa wala kuolewa.

2.     Maisha magumu

Umasikini na ufukara umekuwa ni chanzo kikubwa katika jamii tulizonazo kuweza kuingia katika janga hili la uzinzi. Suala hili huwaathiri zaidi watoto wa shule, watoto wasio na wazazi au usimamizi wa kutosha. Wanadanyanywa na watu wenye fedha zao na hatimae wanajikuta wanatumbukia katika janga hili. Watoto wanashawishika kwa pesa kidogo ili kukidhi mahitaji yao ya kila siku na hatimaye kuamua kujitia katika mapenzi kutokana na umasikini walionao na wala si kwa matakwa yao binafsi. Hii sio kwa watoto wa kike tu, hata vijana wa kiume wanaweza kushawishiwa na wanawake walio na pesa ingawa kwa upande wa wanaume sio sana lakini pia hiyo ipo. (HUTAKI AU?)


3.     Kukosa elimu ya dini

Jamii kutokuwa na elimu ya dini hasa dini ya kiislamu ni tatizo kubwa sana kwani inafika kipindi mambo ya maasi yanaonekana kama ni utamaduni na ni fasheni kwa mwenye kuyafanya. Na jambo kama hulijui ubaya wake unaliona ni la kawaida hata kama lina madhara makubwa. Na kwa bahati mbaya jamii zetu kwa sasa zimepuulia mbali suala la kusoma elimu ya dini kwa kuona kuwa haina maana. Hapo imani ya Mungu inakuwa imekosekana na na shetani anachukua mkondo wake kuweza kuwaongoza watu wa aina hiyo. (MUNGU ATUONGOZE)


4.     Vishawishi kutoka katika makundi

Hakuna asiyefahamu madhara ya kufuata makundi yasio na maadili. Makundi ya vijana mengi hua yanahimizana katika upotofu na kusifiana katika mambo machafu. Miongoni mwa mambo machafu hayo kwa asilimia 90% ni zinaa. Kwa hiyo vijana wengi wanaoingia katika makundi hayo wanakutana na story hizo na hatimaye nao kuanza kujaribu na hatimaye ni kuzama kabisa kama sio kupotea katika jamii iliyo staarabika. Unapisikia makundi unaweza ukajua ni ya wavulana tu, HAPANA hata wasichana nao wana makundi yao tena mabaya zaidi ambayo hushawishiana katika mambo ya uzinzi. (MCHUNGE SANA MWANAO)

5.     Migogoro katika ndoa

Hapa ni kwa wale wanandoa. Jamani migogoro katika ndoa ni kitu kibaya sana. Narudia tena migogoro karika ndoa ni jambo baya sana, haijalishi mgogoro huo umetokana na nini. Ubaya wake ni kwamba panapokuwa na migogoro hua hakuna tena mapenzi. Na pasipokuwa na mapenzi huwa hapana tendo la ndoa. Maana kila mtu anakuwa hana mapenzi wala hana hamu na mwenzake. Matokeo yake ni  mwanandoa kutoka nje na kutafuta kitulizo binafsi ili kukidhi haja yake ya kimaumbile. Kwasababu haki ya kimaumbile ni kwa kila aliyekamilika. Na hakuna njia ya kuiepuka zaidi ya kutimiza wajibu huo. Je? Uanataraji mwenzawako atatumia njia gani kama wewe unaleta sokomoko ndani? (TAKE CARE)

6.     Kukithiri kwa wanawake wanaovaa nusu uchi

Pointi hii haina tofauti sana na ile ya utandawazi. Lakini hapa tunaitaja katika upande mmoja tu. Watu wamekuwa wakiiga tabia za watu wa magharibi (wazungu) ambao kawaida yao ni kupingana sana na maandiko ya uislamu hususan  katika mavazi, malezi n.k. wanapoiga tabia hizo za uvaaji inakuwa ni zaidi ya nusu uchi. Hapo ndipo wanakuja kutokea watu wanaojiuza miili yao kwa njia isiyo ya moja kwa moja. Utamkuta  mwanamke anavaa mavazi ya kutamanisha hatimaye mwanaume hata kama alikuwa hana nia ya kumtongoza atamtongoza tu ili atembee naye kwa sababu huenda aliona kitu kinachomfurahisha ambacho laiti angejisitiri kisingeonekana. Pia asilimia nyingi ya wanawake wanaovaa ovyo hua wakitongozwa hawakatai. (LAKINI USIJE UKAJARIBU MZEE)

7.     Tamaa

Kutaka kupata kwa haraka kitu ambacho huna uwezo nacho, kutaka kujilinganisha na levo ambazo sio zako, hiyo tunaita tamaa. Kuna msanii mmoja wa bongo fleva
alisema “tamaa ya moyo inaweza kukuweka mashakani” mashaka aliyoyakusudia hapa miongoni mwayo ni kuzama katika dimbwi la mapenzi. Msichana unatamani
pesa nawe huna lazima utataka kuzitafuta kwa njia yoyote. Na njia nyepesi ni kuhongwa na anaekuhonga mwisho wa siku atataka kufanya mapenzi na wewe. Hapo utajikuta unaangukia katika dimbwi la zinaa. (AU NADANGANYA?)


MADHARA YA ZINAA KATIKA JAMII

1.     Kupoteza fedha

Asiyejuwa kuwa zinaa ni gharama anyooshe kidole juu. (nadhani wote mnajua). Fedha nyingi hutumika ili kukamilisha zoezi hili kufanikiwa. Ukizingatia kwanza zoezi hili kwakuwa si halali mara nyingi washiriki hupenda kujificha ili wasionekane na jamii iliyowazunguuka. Hivyo hutumia gharama nyingi zikiwemo usafiri  labda kama wanataka kutoka nje ya mji wao, chakula chao ili wapate nguvu ya kwenda kumuasi Mungu, zana kama kondomu n.k. pia washiriki ili kudumisha penzi lao baada ya kumaliza ni lazima wapongezane kwa kupeana pesa.  Hizi zote ni gharama laiti kama mtu angeamua kukaa yote hayo yasingali jitokeza na pesa ile angeitumia kwa matumizi mwngine ya halali kabisa.

2.     Maradhi

Ukitaja moja kwa moja maradhi makuu yanayosababishwa na zinaa ni UKIMWI. Hili halina kificho. Dunia yetu imechafuka sana, watu wengi sana wameathirika na maradhi haya ya uzinzi. Yapo pia maradhi mengine kama GONORHEA, KISONONO, U T I na maradhi mengine mengi zaidi.
Lakini pia na zinaa yenyewe pia ni maradhi kwa sababu ukiizoea kuacha ni vigumu sana, kama mfano wa sigara au pombe. (EE MUNGU TUNUSURU)

3.     Kupoteza amani ya maisha

Hujawahi kuona mtu anatembea na mke wa mtu na mwenyewe ameshaanza kumhisi? Je unafikiri yule bwana atakuwa na raha gani katika maisha? Yeye atakuwa hata akitembea njiani hana amani. Akimuona mtu fulani au rafiki wa mtu huyo anajificha au kubadili njia. Pia kwa wale wanao fanya mapenzi na watoto wa watu pindi wazazi wao wanapogundua inakuwa shida sana kwa watu hao kuishi mtaani kwa amani. Maana anajua muda wowote anaweza kupata janga lolote kutoka kwa mahasimu wake. Pia kuna wale jamaa zangu wanaorapua watoto wa shule hao ndio wana hatari zaidi. Anajua muda wowote miaka 30 itamuwajibikia.
(USIOMBE YAKUKUTE)

4.     Kifo

Baadhi ya vifo vya binadamu vimetokana na zinaa. Hii ni pale mtu anaposalitiwa na mpenz wake na kukosa maamuzi sahihi hatimae kuamua kunywa sumu au kujinyonga. Pia vifo vinaweza kutokana na kuuwana kwa wivu wa mapenzi mtu kuchukua mke au mume wa mtu. Pia vifo huja pale mtu anapoamua kutoa mimba ya kiumbe kile, pale inaisabika moja kwa moja kuwa ameuwa na pia yeye mwenyewe anaweza kupoteza maisha. Hii haina haja ya kuielezea sana nafikiri inajulikana.

5.     Mimba zisizo kusudiwa

Leo ukienda kliniki utawakuta wasichana weeengi wakiwa wajawazito. Lakini hebu fanya upekuzi wa mimba hizo kwa kina, utagundua karibu asilimia 50 ya wajawazito hao hawakukusudia kupata mimba hizo na pia sio mimba za ndani ya ndoa ni mimba zilizo tokana na zinaa. Kwahiyo wanajikuta katika msukumo ambao hawakuutarajia (yaani kulea mimba & mototo)

6.     Ndoa zisizo kusudiwa
Umewahi kusikia ndoa ya mkeka? Basi kama hujawahi kusikia hii ni ndoa ambayo anaozeshwa mtu kwa nguvu kutokana na kufumaniwa na mtoto wa mtu. Sasa kibaya zaidi huenda alikuwa mwenyewe anachakachua tu lakini hakumpenda mwanamke/mwanaume yule, sasa ndo hapo unapata ndoa zisizotarajiwa. Na mara nyingi ndoa hizi hazidumu na hata zikidumu haziishi malumbano.                                               LABDA MUNGU MWENYEWE ALETE MAPENZI BAINA YA WAWILI HAO. (Kwakweli pana mazingatio sana katika hili)

7.     Umasikini

Umasikini ni matokeo ya mwisho mwisho kabisa ya zinaa, kama ndio unaanza huenda usilione jambo hili. Lakini umasikini unaweza ukaja ukauona pale ambapo utajiwa na fahamu sasa. Wakati huo umeshapoteza mali na pesa nyingi kwa ajili ya wanawake na wote walisha kukimbia. Ama ndio umeshapata maradhi na unaugua peke yako. Michongo yako ya pesa yote imeshakatika. Ama tena ulipigwa na kujeruhiwa na kupoteza baadhi ya viungo. Hapo ndo utajua umasikini unaosababishwa na zinaa. (YAA RABBI TUEPUSHE NA JANGA HILI)

8.     Kuvunjika kwa ndoa

Zinaa ndani ya ndoa ni sababu kubwa sana inayoweza kusababisha kuvunjika kwa ndoa. Mtu hatoweza kuvumilia kumuona mwenzie anamsaliti kila mara. Na matokeo yake ataamua kumuepuka mume/mke huyo ili kupisha wengine waendelee na jambo lao. Kwa hiyo si vizuri kumuumiza moyo mwenzi wako kwa mambo ya kijinga kama hayo.

9.     Kukithiri kwa watoto wa mitaani

Tunapozungumzia watoto wa mitaani tunamaanisha wale watoto ambao wapo mitaani na hawana malezi ya kutosha toka kwa wazazi wao. Ingawa si wote wametokana na zinaa lakini wengi wao chanzo chao ni zinaa na hatimaye hawawajui wazazi wao. Kwakweli inasikitisha sana.

10.                        Kupoteza haiba

Haiba ni muonekano mzuri wa mtu kwa watu wengine. Mtume wetu amesema kuwa mzinifu anakuwa ni mtu ambaye hana aibu hata kidogo. Kwahiyo mtu wa aina hiyo kutokana na kutokuwa na aibu pia hatokuwa na staha na watu wengine. Hiyo inaweza kumfanya akawa ni mtu mwenye kuvunja heshima za watu na pia naye anakuwa ni mtu mwenye kuvunjiwa heshima yake. Pia kwa kuongezea ni kwamba zinaa inaondoa nuru ya uso. Nuru ya usoni hupewa waja wema ambao wameshikamana na ibada za Mungu. Lakini kwa mtu mzinifu inakuwa ni kinyume chake. Automatically anakuwa ni mtu mwenye kudharauliwa.                                    (FANYA UCHUNGUZI JUU YA HILI UTAAMINI NINACHOKISEMA)

11.                        Msongo wa mawazo
Hapa ni pale ambapo mambo yamekwenda ndivo sivo. Hapa ndo utajuwa nini maana ya msongo wa mawazo. Ni hii ni pale ambapo umeshawahi kukutana na baadhi ya madhara ambayo ambayo tumekwisha kuyataja hai awali.


NJIA ZA KUEPUKA ZINAA

Kwa ufupi. Ili uweze kuepuka kitu ni lazima kwanza ujue chanzo chake, pia ujue na madhara yake. Ili uweze kujua jinsi ya kuepuka vitu hivo. Kwahiyo hapa tutapeana kiasi tu lakini kama utafuatilia vyanzo hapo nyuma wala hautakuwa na haja ya kusoma kipengele hiki.

1.     Kushika mafundisho ya dini

Hakuna haja ya kunyumbua sana hoja hii. Nadhani iko wazi kwa sababu dini imeweka wazi kila kitu. Imekataza jambo na kuamrisha jambo kwahiyo ni kujitahidi kushika mafundisho ya dini.

2.     Kuushinda moyo katika mambo maovu

Mara nyingi moyo wa binadamu huamrisha mambo mabaya. Na kuukataza kutkufanya ni kazi kubwa sana. Lakini hatuna budi kupingana na matakwa mabaya ya nafsi zetu. Hili ni jambo zito sana lakini ukijitahidi unaweza tu kwa uwezo wa Mwenyezimungu. (WANGAPI WALIWEZA BWANA?)

3.     Kuwa na subira

Subira ni mlango mpana sana. Lakini yenyewe imegawanyika katika mambo mawili tu.
a.     Kusubiri katika kufanya mambo mema
Kusubiri katika kufanya mambo mema ni kuvumialia katika ugumu wake na kudumu nayo mpaka kufa kwako. Pia kufanya kwa nia thabiti na kutaraji malipo kwa Mungu

b.     Kusubiri katika kuacha maasi
Maasi yamepambwa katika sura nzuri. Lakini inatakiwa kwa muumizi kujiepusha nayo ijapo kuwa ni mazuri kwa nje. Na inatakiwa kufanya hivi kwa ajili ya kutaka radhi za Mwenyezimungu.

4.     Kumuomba Mungu akusaidie katika mambo ya kheri.
Tunatakiwa kudumu na dua. Kumuomba Mwenyezimungu atudumishe na heri na atuepushe na shari. AAMIN.



MWISHO

********************************** 













COMMENTS

Usipitwe-Weka email yako kisha 'Subscribe'

Name

Afya,48,Blogging,9,Burudani,28,Dini,85,Maisha,28,Mashairi,51,Sitosahau,29,Teknolojia,5,Usichokijua,15,
ltr
item
mrbunduki: MADHARA YA ZINAA (KATIKA JAMII)
MADHARA YA ZINAA (KATIKA JAMII)
https://1.bp.blogspot.com/-V_gIzfgHm20/XSRNUbL8FiI/AAAAAAAAHk0/hx2L6_-vdE8Ybj9mLAymgo4IizV_KhC0gCLcBGAs/s400/911aee52f8-fbimg1461391231765.jpg
https://1.bp.blogspot.com/-V_gIzfgHm20/XSRNUbL8FiI/AAAAAAAAHk0/hx2L6_-vdE8Ybj9mLAymgo4IizV_KhC0gCLcBGAs/s72-c/911aee52f8-fbimg1461391231765.jpg
mrbunduki
https://www.mrbunduki.com/2018/04/normal-0-false-false-false-en-us-x-none.html
https://www.mrbunduki.com/
https://www.mrbunduki.com/
https://www.mrbunduki.com/2018/04/normal-0-false-false-false-en-us-x-none.html
true
3501413861140022348
UTF-8
Loaded All Posts Hakuna chapisho lolote View All Read more Reply Cancel reply Delete By Home PAGES POSTS View All Recommended posts LABEL ARCHIVE Search/Tafuta ALL POSTS Bahati mbaya, Ulichotafuta hakipo Rudi nyumbani/Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content