SHOBO ZA NINI

Yanini kuungulika, mwenyewe hana taimu

Kichwani hawezi toka, namfanya ni muhimu

Kutwa nikihangaika, kwenye meseji na simu

Shobo za nini lakini, mbona ninahangaika

Nimekuwa mamluki, sijui ninachotenda

Moyoni anidhihaki, aniona mwana kwenda

Kwangu haiishi dhiki, ndio sababu kupenda?

Shobo za nini lakini?, Ishaallah nitasahau

Nataka kumsahau, lakini moyo wagoma

Moyoni kauli mbiu, ni yeye dada HALIMA

NIFANYE NINI WADAU, kupoza wangu mtima

Ila shobo zitakwisha, Nitapiga moyo konde

Afanya anavotaka, kisa kwake siongei

Simuni napomsaka, mara nyingi hapokei

Ipo siku tafunguka, kama mbwai iwe mbwai

Mapenzi yakija isha, tusije laumiana

Bora nitafute mbinu, nikate huu mzizi

Niutwange kwenye kinu?, niuchune kama ngozi?

Maana mapenzi tunu, na ni ngumu ku balanzi

Nitajikaza kiume, mwisho nitamsahau

Shobo namshobokea, sijui shobo za nini?

Uzuri we wa bandia, na wala si wa mjini

Ni mweusi atishia, kama mafuta ya GANI

Nitajikaza kiume, mwisho nitamsahau