Tunakumbushana

Salamu sana, wadau, nadhani mko vizuri Niko mwanana, ngalau, na mie niko ngangari Twakumbushana, walau, tupate kutafakari SHAIRI. D...

Salamu sana, wadau, nadhani mko vizuri
Niko mwanana, ngalau, na mie niko ngangari
Twakumbushana, walau, tupate kutafakari
SHAIRI.

Dunia jama, mapito, na sisi ni wasafiri
Hebu tazama, kwa mato, kisha jipe tafsiri
Watu wa hima, fukuto, limewatia kabari
FIKIRI.

Dunia nguo, chakavu, walisemaga wahenga
Vingi vileo, lemavu, vinatutia ujinga
Ukweli huo, angavu, uchukue utasonga
VIZURI

Tumche Mungu, jamani, jamani jamani jama
Ewe mwenzangu, jirani, nakueleza kwa hima
Sijui wangu, undani, umri lini wakoma
NI SIRI

Lete khushui, upole, akuokoe Qahari
Kwani hujui, ya mbele, ni kumi au sifuri
Siwe bedui, misele, uache visa, kiburi
JEURI

Tubia dhambi, muasi, piga konde wako moyo
Muepuke, ibilisi, wacha maovu lonayo
Iombe FIRDAUSI, kwa leo yangu ni hayo.
KWAHERI