SABABU KUBWA 8 - KWANINI BLOG NYINGI HUFA?

Blog ni jukwaa maarufu sana la kutolea na kupata taarifa na maarifa mbalimbali kwenye mtandao. Hivi leo mambo mengi tunayoyasoma kwenye mtandao yapo kwenye blog mbalimbali.

Hivyo basi blog ni jukwaa linaloweza kutumiwa kueneza habari, maarifa pamoja na kujiingizia kipato.

Kwa kulifahamu hili watanzania wengi wamekuwa wakianzisha blog lakini zinakufa au hazifanikiwi jinsi walivyotarajia. Ni vyema ukafahamu kuwa yapo mambo yanayosababisha blog nyingi za kitanzania kufa; hivyo soma mambo haya 8 hapa chini.

1. KULENGA PESA PEKEE

Ni lazima utambue kuwa pesa ni matokeo ya kutatua shida ya mtu au kumpa mtu kitu au maarifa yenye manufaa kwake. Wamiliki wengi wa blog wa kitanzania hawana lengo tofauti la kuanzisha blog zaidi ya kulenga kupata pesa.
 Hii ndiyo sababu mtu anafungua blog leo kesho anaweka matangazo kuwa “tangaza nasi hapa”. Nani atatangaza na wewe wakati una watembeleaji 2 kwa siku? Ni lazima ujue kuwa kupata pesa kwenye blog ni lazima ukubali na uwe tayari kulipa gharama ya kufanya kitu chenye manufaa kwa watu.

2. UBINAFSI

Ubinafsi ni tatizo linaloua mambo mengi mazuri ya watu, yakiwemo blog. Watanzania wengi hawapendi kuwashirikisha watu wengine mawazo yao ili washirikiane kwa pamoja kuyatimiza.
 Ikiwa wewe una wazo fulani kuhusu blog, kwanini usimshirikishe mtu anayeweza kukusaidia mkatimiza wazo hilo? Vivyo hivyo kwa wanaoshirikishwa wengi hawapendi kufanyia kazi wazo lililoletwa na mtu mwingine. Wengi huliiba au kulinakili au hata pengine kulikwamisha tu.

3. KUTAKA WATEMBELEAJI BILA KUWAVUTA

Wasomaji au watembeleaji hawaji tu kwenye blog yako kwa sababu unataka waje. Ni lazima kuwa na kitu au sababu inayowafanya watembelee blog yako. 
Ni lazima kabla hujawaza kuongeza watembeleaji kwenye blog yako ukaandaa vitu vyenye manufaa makubwa kwao. Kamwe, injini pekuzi kama Google na Bing havitoweza kuonyesha blog yako kwa watu kama haina kitu cha maana. 
Kutokana na jambo hili wengi hujikuta wakishindwa kupata watembeleaji kama wanavyotaka na kujikuta wakiacha kuendeleza blog zao.

4. KUNAKILI MACHAPISHO YA WENGINE

Huu ni ugonjwa mkubwa unaozikabili blog nyingi za kitanzania hasa zile za habari. Habari ikishaandikwa kwenye blog moja, utaikuta kila mahali iko hivyo hivyo. 
Ni wazi kuwa injini pekuzi kama Google inafahamu makala iliandikwa wapi kwanza; hivyo huzichukulia blog nyingine zilizonakili kama blog zinazokusanya matakataka (blong scraping). Kwa njia hii blog yako kamwe haitapata daraja zuri kwenye matokeo ya utafutaji wa Google (Ranking in Search Engine Result Pages – SERPs).
Kama unataka kuona matokeo mazuri ni lazima ukubali  kutoa jasho uandike makala zako mwenyewe ambazo zitakupa manufaa makubwa.

5. KUKIMBIA GHARAMA STAHIKI

Kama nilivyotangulia kusema, blog ni kazi inayohitaji kuwekeza gharama fulani ili uweze kuona matokeo mazuri. Ni lazima uwekeze fedha na muda ili uweze kufanikiwa katika kazi hii. 
Gharama ya muda na kujitoa ndiyo inayohitajika zaidi kwenye blog. Utahitaji muda wa kutosha kuandaa makala (post) zenye tija kwa wasomaji wako. Muda huu utahusisha kutafiti, kupanga, kuandika na kuhariri machapisho yako ili yawe bora kwa wasomaji.

6. KUPUUZA MAARIFA YA MTANDAO (web design)

Usanifu mtandao hauwezi kutengwa na blog. Kama unataka kuwa blogger mzuri ni lazima uwe pia unafahamu jinsi ya kutumia programu mbalimbali zitakazokuwezesha kutengeneza blog nzuri ambayo ni rafiki pia kwa wasomaji na vifaa vyao.
Manufaa ya kutengeneza blog nzuri:
  • Blog yako itaonekana ni rasmi na ya kitaalamu.
  • Injini pekuzi zitaifurahia na kuiweka juu zaidi kwa wasomaji wengi.
  • Itakuwa rafiki kwenye vifaa kama simu, tablet na kompyuta
Kama huna maarifa ya kusanifu blog, unaweza ukajifunza kwani ni rahisi. Pia unaweza ukatumia watu na kampuni mbalimbali zinazofanya huduma hiyo kwa bei nafuu.

7. KUKATA TAMAA MAPEMA

Mambo mazuri yana milima na mabonde yake. Hili liko wazi pia kwenye blog; ikiwa unataka kufanikiwa kwenye blog basi ni vyema ukajifunza kutokata tamaa na kuwa mvumilivu. Watanzania wengi wenye blog wanakata tamaa pale wanapoona mambo hayaendi kama walivyopanga, huona kuwa blog hailipi wala haina manufaa na kuachia njiani. 
Lakini ni muhimu ukatafakari kuhusu tovuti kama Teknokona; je ilianza usiku mmoja? Naamini Ndugu Stephen wa TeknoKona anafahamu milima na mabonde waliyopitia kwa miaka kadhaa hadi kufika hapa ilipo leo. Jambo lolote zuri linahitaji kuvumilia na kufanya kwa moyo.

8. MAKALA DUNI

Kuna mtu mmoja aliwahi kusema kuwa watanzania wengi ni wavivu na hawapendi kusoma. Labda hili ndiyo sababu hata bloggers wengi wa kitanzania hawako tayari kujifunza jinsi ya kuandika makala nzuri kwa ajili ya wasomaji na injini pekuzi. Ni vyema ukafahamu mambo muhimu ya kuzingatia kwenye kila makala unayoiandika kama vile:
  • Uchaguzi mzuri wa kichwa cha makala
  • Mtindo rafiki wa uandishi kwa wasomaji
  • Matumizi ya picha
  • Uboreshaji wa injini pekuzi – Search Engine Optimization(SEO) n.k.
Ni wazi kuwa ukizingatia mambo haya utaweza kuandaa makala au machapisho (post) nzuri ambazo zitakubalika pia kwa wasomaji wako.
Hitimisho
Naamini sasa umefahamu kwanini watanzania wengi hawafanikiwi kwenye blog. Ni wazi kuwa blog ni kazi kama kazi zingine, hivyo inahitaji marifa stahiki na kuifanya kwa dhati. Naamini kama una blog au una mpango wa kuanzisha ya kwako hutokwamishwa tena na mambo tajwa hapo juu.
Kutoka katika vyanzo vyenye kuaminikia.

COMMENTS

Usipitwe-Weka email yako kisha 'Subscribe'

Name

Afya,51,Blogging,17,Burudani,28,Dini,94,Maisha,28,Mashairi,52,Sitosahau,32,Teknolojia,5,Usichokijua,22,
ltr
item
mrbunduki: SABABU KUBWA 8 - KWANINI BLOG NYINGI HUFA?
SABABU KUBWA 8 - KWANINI BLOG NYINGI HUFA?
https://1.bp.blogspot.com/-82sOZcZdXCQ/X6FmvMVlqdI/AAAAAAAAaAU/U_GjYUj3NL80XEvqc0C_oma1K29rXlrYwCLcBGAsYHQ/w486-h233/brand-blog-feature.jpg
https://1.bp.blogspot.com/-82sOZcZdXCQ/X6FmvMVlqdI/AAAAAAAAaAU/U_GjYUj3NL80XEvqc0C_oma1K29rXlrYwCLcBGAsYHQ/s72-w486-c-h233/brand-blog-feature.jpg
mrbunduki
https://www.mrbunduki.com/2020/01/kwanini-blog-nyingi-za-kitanzania-hufa.html
https://www.mrbunduki.com/
https://www.mrbunduki.com/
https://www.mrbunduki.com/2020/01/kwanini-blog-nyingi-za-kitanzania-hufa.html
true
3501413861140022348
UTF-8
Loaded All Posts Hakuna chapisho lolote View All Read more Reply Cancel reply Delete By Home PAGES POSTS View All Recommended posts LABEL ARCHIVE Search/Tafuta ALL POSTS Bahati mbaya, Ulichotafuta hakipo Rudi nyumbani/Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content