U, ME, NI, A, CHA - NA, NA, NI?

Hiki ni kilio cha mjane aliyeondokewa na Mumewe. Mungu azilaze pema roho za marehemu wote AAMIN

Wacha niimbe walaU, japo huto nisikia

Si kama napiga mbiU, niwewe nakulilia

Sijaiona nafuU, nalia bado Nalia

Umeniacha na nani?

Umekatika umeME, sasa nipo kwenye kiza

Yapasayo niyaseME, ya siri nitabakiza

Meacha watoto muME, kutwa wanakuuliza

Umeniacha na nani?

Umetoka duniaNI, Ni punde hujaugua

Ulenda kibaruaNI, wana kuwatafutia

Akakupenda ManaNI, nyumbani hukurejea

Umeniacha na nani?

Wanao wanililiA, mama yukowapi baba

Sina Cha kuwaambiA, majonzi yamenikaba

Hasa mwanao SofiA, Umemwacha wiki Saba

Umeniacha na nani?

Likikuchwa kunakuCHA, na usiku wa manane

Huficha yetu makuCHA, huridhika na ukame

Mama na mama kachaCHA, hunifariji mjane

Umeniacha na nani?

Hakika zile AmaNA, Kaka ameshazilipa

Na shemeji yako mwaNA, chochote yu ananipa

Side analia saNA, imemvimba mishipa

Umeniacha na nani?

Sina budi lea WaNA, madrasa watasoma

Wamjue MaulaNA, wakwombee dua njema

Iwe kwako AljanNA, mume wangu lala pema

Umeniacha na nani?

Umeniacha na NaNI? Swali hili Sina jibu

Jibu analo MannaNI, kwa hili linonisibu

Nahisi nipo njiaNI, kuja huko ni wajibu

U, ME, NI, A, CHA, NA, NA, NI?