TAMBUA MABADILIKO 10 YA RANGI ZA MKOJO NA MAANA ZAKE

Siku moja unaweza ukajisaidia haja ndogo na ukapatwa na mshituko kutokana na rangi yake. Makala hii inaelezea rangi za mkojo na maana zake.

Dondoo za afya

Mifumo yote ya mwili hushirikiana katika utendaji kazi, hivyo linapotokea tatizo katika mfumo fulani huweza kuonekana kwa mabadiliko kadhaa ambayo baadhi yake hutokea nje ya mwili.

Mkojo huweza kuwa ni matokeo ya baadhi ya matatizo yaliyoko mwilini hasa katika mfumo wake. Leo nikudokeza kidogo baadhi ya mabadiliko ya rangi za mkojo na maana zake.

Usisahau kushuka chini sehemu ya 'COMMENT' na kutuachia maoni yako, pia unaweza kushauri kuwa ni nini tuongeze katika mtiririko wa mada zetu;-   

ENDELEA NAYO;-

1. (MKOJO) Mweupe kabisaa

Unakunywa maji mengi kupita kiasi, huenda ukashauriwa kupunguza kidogo.

2. Njano iliyochanganyika na kijani

Hii rangi ni ya kawaida na inamaanisha kuwa mwili wako una afya na unakunywa maji kiasi kinachohitajika. Baki hapo hapo.

3. Manjano mpauko

Rangi hii pia ni kawaida, haina kiashiria chochote cha maradhi.

4. Njano iliyokolea

Hii ni kawaida lakini unashauriwa kuongeza kunywa maji zaidi

5. Njano inayokaribiana na rangi ya asali

Rangi hii huashiria kuwa mwili wako hauna maji ya kutosha, unatakiwa kunywa maji mengi.

6. Rangi ya kahawia

Rangi hii humaanisha kuwa huenda ukawa una matatizo katika ini lako ama tena huenda una upungufu mkubwa wa maji mwilini. Unashauriwa kunywa maji ya kutosha lakini pia usisite kumuona daktari.

 7. Rangi ya machungwa iliyoiva

Huenda ukawa na upungufu wa maji mwilini, lakini pia huenda sambamba na uwezekano wa matatizo katika ini au mfuko wa nyongo hivyo muone daktari.

8. Rangi ya buluu au kijani

Hii huweza kusababishwa na rangi ya chakula, athari za dawa ama maambukizi ya bakteria. Muone daktari

9. Rangi ya pinki inayokaribia nyekundu

Kama hujatumia matunda au chakula chenye rangi hiyo basi huenda kuna damu katika kibofu cha mkojo. Huenda ikawa si ishara mbaya sana ila inaweza kuwa ishara ya ugonjwa wa figo, matatizo kwenye njia ya mkojo n.k. Muone daktari

10. Mkojo wenye mapovu

Hueza kusababishwa na matatizo ya figo ama protini zilizozidi mwilini. Kama tatizo hili likitokea mara kwa mara muone daktari kwa ushauri.