KARIBU MAMA WATOTO

Jamaa anamuimbia mke wake ambaye anarudi nyumbani baada ya kukorofishana na kuondoka kwa muda mrefu

Mshkaji yupo wima, kukuona warejea

Kuiona yake nyama, baada ya kupotea

Japo walinisakama, mwisho wake wakanywea

Niombee kwa karima, upendo wetu udumu

Nimezichoka drama, walimwengu walizua

Walisema ya kusema, ila hukuwasikia

Nyumba ile nimehama, mtaa nimesogea

Niombee kwa karima, upendo wetu udumu

Karibu hapa ni kwako, wakukutoa hakuna

Na hao visokonoko, wabaki kujitafuna

Wambie hapa ni mwiko, hii meli ya wachina

Niombee kwa karima, upendo wetu udumu

Fanya vyote uniteke, Nileweshe mi nilewe

Na waseme waropoke, usisikie mayowe

Kama kuongeza mke, nitakuongeza wewe

Niombee kwa karima, upendo wetu udumu

Zidisha wivu mamii, nafasi hii nakupa

Mimi ndo wako dadii, usikudunde mshipa

Akijileta masii , Vunja mtu nitalipa

Niombee kwa karima, upendo wetu udumu

Tumuombe Maulana, upendo wetu udumu

Tuweze kushikamana, kwa raha na hali ngumu

Usiku hata mchana, wanga wasituhujumu

Hapa kwako umefika, ringa, vimba jishauwe

Ringa, vimba jishauwe,kwangu wewe ni mshindi

Waache hao nguruwe, watashindia mahindi

Wala wasikusumbuwe, Mumeo ni MUDI SINDI

Wewe ndio mama lao, nami ndio baba lao

By: Mohammed S Shaban