MFAHAMU SAMAKI NYANGUMI NA MAAJABU YAKE

Umewahi kuzisikia zile hadithi za kale kuhusu nyangumi? 'Kwamba anaweza kutokeza mgongo wake nje ya maji na watu wakafanya shughuli zao ...

Umewahi kuzisikia zile hadithi za kale kuhusu nyangumi?

'Kwamba anaweza kutokeza mgongo wake nje ya maji na watu wakafanya shughuli zao zote kwa kudhani kuwa ni kisiwa?'

Basi makala hii itakupa ukweli juu ya samaki huyu na hadithi hizi kwa ujumla.

Mwandishi ni SAIDI BUNDUKI

 

DUNIA NA MAAJABU YAKE

Huyu ndiye mnyama na samaki mkubwa zaidi duniani. Hapa nimekuelezea baadhi ya sifa zake ambazo zitakustaajabisha.

Nyangumi wako wa aina tofauti, lakini tunayemzungumza hapa leo ni ambaye hujulikana kwa jina la kitaalamu (kisayansi) kama Balaenoptera musculus ambaye ni mkubwa kuliko nyangumi wote. Bila kusahau ndiye mnyama mkubwa kuliko myama mwingine yeyote unayemjua. Hakuna wa kufanana wala kukaribiana naye.

MAAJABU YA NYANGUMI

• Ukubwa wake

Urefu wa nyangumi mkubwa unakadiriwa kufikia mita 33 mpaka 50 na ana uzito wa tani 172 - 190

• Ni mnyama asiyekunywa maji kabisa. 

Hii inaweza kukushangaza kidogo lakini ndivo ilivyo, nayo ni kutokana na maji chumvi yanayopatikana katika makazi yake (Baharini) na maji hayo si rafiki kwake. Hivyo kiu yake hukatika kwa vyakula anavyokula ambavyo hufyonzwa maji yake.

• Huishi kwa ndoa za mitara

Kwa kuwa madume ni wachache, hivyo nyangumi dume huwa na majike wengi na mmoja akipata mimba huwapa nafasi wenzake kustarehe ne mume wake bila kinyongo.

• Ana mishipa mipana kupita kiasi

Unaambiwa upana wa mishipa yake binadamu anaweza kupita akiwa amelala bila kugusa sehemu yoyote

• Uume mrefu

Uume wake unaweza kufikia urefu wa futi (rula) kumi hadi 12. Takriban urefu wa vitanda viwili vya futi 6.

• Hana Korodani

Hapo juu umeona kuwa nyangumi ndiye mnyama mwenye uume mrefu zaidi, lakini cha ajabu ni kwamba hakuumbwa na korodani kabisa.

• Sauti kubwa zaidi

Nyangumi ndiye mnyama mwenye sauti kubwa zaidi duniani. Sauti yake inaweza kusikika mpaka umbali wa kilomita 840 kutokea alipo. Ingekuwaje kama mnyama huyu angekuwa anaishi nchi kavu? MUNGU ANAHEKIMA SANA.

Pitia makala hii

WAJUE SAMAKI 8 WAKUBWA ZAIDI DUNIANI

Tukiendelea na maajabu ya nyangumi ni kwamba;-

• Huzaa baada ya miaka mitatu tangu kushika mimba

• Karibu bahari zote duniani nyangumi wapo

• ndiye mnyama mwenye maziwa mengi zaidi

• Ana mwili mkubwa lakini pia ana macho madogo na yenye nguvu kubwa ya kuona

• Uzito wa moyo wake ni sawa na uzito wa gari ndogo kama mark II au IST (Kilo 600)

• Umri mrefu

Nyangumi anaweza kuishi mpaka umri wa  miaka 250

• Mafuta mengi kwenye maziwa

Maziwa yake yana kiasi kikubwa cha mafuta, hali ambayo hupelekea kukua kwa haraka kwa watoto wake.

• Ana uti wa mgongo kama wanya wengine

• Ulimi mzito

Ulimi wake unalingana na uzito wa tembo mkubwa.

• Mtoto wa nyangumi hunyonya lita 600 za maziwa kila siku.

• Mdomo mpana

Unaweza kuwaweka watu mia moja (100) na wakaenea bila shida.

Vipi kuhusu hadithi tulizokuwa tukisimuliwa?

Nadhani umeshawahi kusikia hadithi za kuwa nyangumi anaweza kutengeneza kisiwa na watu kuishi na kufanya shughuli zao juu ya mgongo wake? Hadithi hizi ni za kufikirika tu na hii yote ni kutokana na ukubwa wa ajabu wa mnyama huyu. Hivyo hazina ukweli wowote

Ni mnyama mkarimu

Ingawa amejaaliwa nguvu na ukubwa kupita kiasi, lakini pia amejaaliwa na ukarimu mno. Kwani hawezi kufanya fujo dhidi ya mwanadamu. Pindi atakapoona meli, boti na chombo kingine cha majini anaweza kujirusha juu na kurusha maji ili aonekane. Kwani anajua kuwa wanadamu wanapenda kumuona. Ingawa hali hii unaweza kudhani kuwa anataka kuwashambulia lakini kumbe sivyo!!

HITIMISHO

Haya ni machache katika mengi yanayomhusu nyangumi. Je? Una chochote cha kuongezea? Basi tuandikie maoni yako hapo chini katika Sehemu ya COMMENT