MAZOEZI 6 MUHIMU KWA WENYE KAZI ZA KUKAA CHINI KWA MUDA MREFU

Kukaa sana chini kuna madhara. Lakini ukidumu na mazoezi haya basi madhara hayo utaendelea kuyasikia kwa wenzako tu tena ambao hawajaisoma makala hii

____________

Mtakie mema mwenzako kwa kumshirikisha makala hii!

____________

Ni mazoezi gani nitafanya ili kuimarisha mwili wangu wakati kutwa nzima nashinda nimekaa?

Jibu ni kwamba;-

 Huna haja ya kwenda GYM, Hapo hapo kazini kwako unaweza kufanya mazoezi ambayo yanaweza kuwa msaada mkubwa sana.

Lengo la kuandika mada hii ni kwa ajili ya kunisaidia mimi mwenyewe kwanza kabla ya mtu mwingine. Hii ni kutokana na kazi yangu ya kukaa chini mda mrefu.

Lakini nikaona ili nawe upate manufaa kwa hii post, ni vema nikushirikishe huenda nawe unafanya kazi ambayo inakulazimu ukae mda mrefu katika kiti.

Nawe ambaye umebahatika kusoma makala hii, nakuomba umshirikishe mwingine na mwingine ili aweze kupata madini haya.

Haya hapa ni mazoezi ambayo yatakuwa msaada kwako wewe mwenzangu ambaye karibu mchana wote unashinda umekaa.

1. Nyoosha kiuno

Kukaa chini muda mrefu huathiri maeneo mengi ya mwili, miongoni mwao ni kiuno.

Simama kisha fanya zoezi la kuinama na kusimama mara nyingi. Waweza fanya kadiri ya uwezo wako kuanzia mara 20 na kuendelea kabla hujafanya zoezi jingine.

2. Push ups

Ziko aina nyingi za push ups. Lakini hapa tumekusudia push up zile za kawaida. Weka mikono yako chini kisha nenda kadiri ya uwezo wako kwa mara moja kabla ya kupumzika na kuanza tena.

Utakaposikia misuli inajinyoosha ujue hapo sasa zoezi ndo linafanya kazi.

3. Mazoezi ya Kegel

Kama utakuwa na nafasi unaweza kufanya zoezi hili

Lala chali kisha kita miguu yako na unyanyue sehemu ya kiuno chako kuelekea juu na kurudi chini.

Fanya hivo mara nyingi kati ya 20 na 30 au zaidi.

4. Squat

Hili ni zoezi la kusimama na kuchuchumaa mara nyingi huku mikono yako ukiwa umeshika nyuma ya shingo au umeinyoosha mbele.

Zoezi hili huimarisha zaidi misuli ya magoti, mapaja na miguu kwa ujumla.

5. Tembea kidogo

Kama utakuwa na nafasi, baada ya kukaa kwa muda mrefu unaweza kutembea tembea japo kwa kuzunguka nyumba, uwanja au eneo la karibu yako kabla hujarudi na kuendelea na kazi zako.

Kutoka nje na kutembea husaidia kuimarisha pia akili na kuingiza maarifa mapya. Hii ni kwa sababu kukaa kwa muda mrefu sehemu moja kunadumaza akili na ufahamu.

6. Dead bug

Lala chali kisha nyanyua miguu yako na kuipeleka mbele na kuirudisha mara nyingi. 

Pia unaweza kupeleka mguu moja mara kadhaa kisha mguu mwingine.

Nimekuwekea mfano wa picha hapa chini.

Usikae kizembe, ukaruhusu manyama uzembe mwisho wa siku uvimbe kwa sababu ambazo ungeweza kuziepuka.

Kuanzia leo anza mazoezi haya sehemu yako ya kazi (wewe ambaye unafanya kazi ya kukaa sana chini) kisha utaona matokeo yake kama utaumwa na mgongo.

Mpaka hapa sina la ziada, Niseme tu asante kwa kuwa nasi. Usisahau kushea na mwingine makala hii.