MAMBO 28 USIYOYAJUA KUHUSU MIMI (SAIDI BUNDUKI)

Huenda unanifahamu vizuri tu,ila fahamu na mambo ambayo ninayo (Japo kwa uchache)

Binadamu huwa tunajuana kwa kadiri, lakini wazazi na wapenzi wetu huwa wanatujua sana. Lakini sisi wenyewe tunajijua mno.  Ila MUNGU anatujua zaidi na zaidi.

Huenda wewe unanijua, na kuna namna ambayo unanijua kwayo. Sasa hapa leo nimepata hamasa ya kukujuza baadhi tu ya tabia ambazo kwa hakika ninazo. Huenda unazijua kwangu au huzijui.

Yako mengi, lakini hapa nimeandika mambo 25 tu


1. SINA CHOYO

Sijajua ni sifa au ni nini hasa. Ila kitu ambacho kimewashangaza wengi kwangu ni kwamba sina choyo. Yaani naweza kuwa na shilingi mia na ukaniomba nikakupa na kubaki sina kitu.

Tabia hii ya kukosa choyo kuna kipindi inaniudhi sana

2. SIPENDI KUONGEA SANA

Hii inaweza ikawa kinyume na baadhi ya watu wanaonifahamu. Lakini ukweli ni kwamba asili yangu si mtu muongeaji. Nayo ni kwasababu sio mjuzi wa mambo mengi na ni muoga wa kukosolewa mbele za watu.

3. NAPENDA KUCHEKA MPAKA KULIA

Furaha yangu kubwa ya maisha ni kufurahi na kucheka. Ni miongoni mwa watu wmabao anaweza akacheka mpaka kutokwa na machozi.

4. MUOGA

Aisee mimi ni muoga sana hasa katika mambo ya kujaribu. Nadhani jambo hili litanichelewesha katika kufikia mafanikio na maendeleo.

5. MSAHAULIFU

Tena kwa watu na vitu. Yaani naweza kuonana na mtu leo, akija kesho nikawa nimemsahau kama ikiwa sikumuona vizuri. Lakini pia mambo kadhaa yanayonitokea huwa ni mwepesi sana kuyasahamu.

Hii imenifanya niwe mpenzi sana wa kuandika matukio ili niwe mwepesi kukumbuka. Nashkuru nimefanikiwa kwa kiasi fulani.

6. NAPENDA KUJIFUNZA

Napenda kuongeza ujuzi. Kama nikigundua una kitu ambacho kinaweza kunifaa, basi bila kuzingatia umri na hadhi naweza kuomba unijuze kama hutojali.

7. SINA NIDHAMU YA PESA

Na haya ni miongoni mwa mambo ambayo yatanifanya utajiri niendelee kuusikia katika redio na mitandao ya kijamii. Yaani nikipata pesa ndipo nitapanga matumizi na sio kupanga kabla ya kuipata.

Sasa kibaya zaidi pesa nayo mara nyingi huja na mipango yake.

8. BADO NAMUOGOPA BABA HADI LEO

Asili ya baba yangu ni mkali kiasi. Nakumbuka nilipokuwa mdogo nilikuwa namuogopa sana, Kitu ambacho kilinisaidia kufuata misingi anayoitaka yeye. Lakini woga ule ninao mpaka leo (Japo si kama kiwango kile)

Lakini bado namuogopa sana yule mzee, maana suala la kukupachika makofi mbele za watu ni kitu cha kawaida sana kwake. Ingawa najua kwa sasa haiwezekani lakini bado nachukua tahadhari kabla ya hatari.

9. NAPENDA MITANDAO YA KIJAMII

Nilianza kujua mitandao ya kijamii baada ya kumaliza mafunzo ya Kompyuta mwaka 2012, hapa nilianza kutumia mtandoa wa facebook. Na hapa ndipo nilianza kufurahia uwepo wamitandao hii.

Kwa sasa unaweza kunipata katika mitandnao tofauti tofauti kama vile

twitter, inshagram, whatsapp, facebook, telegram, tiktok, youtube na linkedin

11. NILIPENDA KUWA MWANAJESHI

Huenda huifahamu hii, nilipenda na bado napenda kuwa mwanajeshi. Na nilifanya usaili lakini nikafeli.

12. NAPENDA MZIKI

Ha ha  ha

Sio saana ila muziki ni miongoni mwa burudani zangu kiasi. Zipo nyimbo ambazo zimewahi kunitoa machozi kulingana na hali ambayo nilikuwa nayo kwa wakati huo.

13. KUPENDEZA SIO ISHU KWANGU

Hii ni kawaida kwa wanaume wengi hasa wenye majukumu. Suala la kuumiza kichwa kuhusiana na kuvaa sio ishu sana. basi na kwangu ni hivo hivo. Sikumbuki mara ya mwisho kwenda sokoni na kununua nguo zaidi ya kununuliwa na mke wangu.

14. NAPENDA SANA MATEMBELE

Miongoni mwa mboga za majani ambazo nazipenda sana ni mboga aina ya matembele. Nilianza kuzipenda tangu nikiwa mdogo sana. Haijalishi yameungwa nazi au chukuchuku.

15. SINA NGUVU

Japo napenda kazi za nguvu lakini sina hizo nguvu zinazosemwa. 

16. NINA HURUMA

Hii inataka kufanna na ile point ya kwanza ya kuwa sio mchoyo. Lakini pia huwa nawaonea huruma sana wenye matatizo haijalishi niwe na mjua au simjui.

17. NINA AIBU

'Ndio'

Maisha yangu yote yalitawaliwa na aibu, lakini kutokana na kazi ambazo tunazifanya inabidi uwe kauzu ili mambo yaweze kwenda. Ila katika uhalisia ni kwamba nina aibu nyingi sana jambo ambalo linanifanya niwe mzito sana kumkosoa mtu ambaye amenikosea. (Hasa akiwa na heshima kwangu)

18. NIMEHIFADHI ROBO YA MSAHAFU

Nimeona hii nishee nawe ili uniombee dua niweze kuongeza ujuzi. Msahafu (Qura) ina juzu 30. Hivyo namshkuru Mungu mpaka sasa nimehifadhi kichwani si chini ya juzu 7

19. NISHAWAHI KUMKATA MTU PANGA

Wakati nakuwa nilikuwa mtu mwenye hasira nyingi zaidi ya sasa. Nakumbuka miongoni mwa matukio niliopitia ilikuwa ni kumkata dada yangu panga la mguu. Lakinia nikiwa darasa la 3 nimewahi kumchoma mtu kalamu ya mkono na ikaingia haswaa.

20. NINA HASIRA NYINGI

Najitahidi kuepukana na hali hii, lakini ki uhalisia ni mtu mwenye hasira nyingi na maamuzi ya ajabu kwa wakati huo. Rejea point namba 19

21. NAIPENDA FAMILIA YANGU

Naamini kuihudumia familia yangu ipasavyo sio tu hujenga mapenzi kwao, lakini pia ni njia inayompendeza Mungu na baraka tele.

22. NAPENDA MAPENZI

Ha ha ha haaa.... Ndio mana nimeoa mapema ili nisipate usumbufu.

23. UANDISHI WA MAKALA NI MOJA YA NDOTO ZANGU

Moja ya ndoto zangu ni kuwa muandishi, kilichonirudisha nyuma ni kutopata elimu ya kutosha. Lakini pamoja na hayo naamini siku moja ndoto zangu zitatimia (Inshaallah)

24. SITAKI KUWA TAJIRI

Sitaki kuwa kama Bahresa, Mengi au Rostam. Kwani naamini kuwa ili kupata maisha yenye faraja ni kumshika Mungu na kuwa kipato cha kawaida sana ambacho hakitakufanya umkufuru Mungu.

Lakini pia naamini matajiri wanateseka sana katika maisha kuliko mimi na wewe.

25. NISHAWAHI KUVUTA SIGARA

Sikuwa mvutaji ila nimewahi kuvuta sigara. jambo ambalo limepelekea kutokerwa kabisa na mvutaji wa sigara wala kuchukia moshi wake.

Wengi hawawezi kukaa na mvuta sigara kwa sababu ya ile harufu ya moshi, lakini kwangu ni tofauti.

26. NIMEWAHI KUWA MGANGA WA KIENYEJI

Kwa kuwa nimeishi sana na waganga wa kienyeji ambao sitowataja. Hii ilinipelekea nami kushiriki sana katika mambo hayo.

27. NAPENDA KULA

Kuna tofauti kati ya kula na kulakula. Sasa mimi huenda nikawa sipendi kula kula, ila napenda kula hasaaa. Yaani kula vizuri... makuku, mawali, mapochopocho n.k.

28. NI MWEPESI KUMUAMINI MTU

Mpaka wakati mwingine najiogopa. Yaani naweza kukuamini kwa chochote hata kama sikujui. Sasa hii ni hatari sana na ni rahisi kudhuriwa. 


COMMENTS


Follow - ili usipitwe

Kwa mawasiliano zaidi

Name

Afya,66,Blogging,18,Burudani,29,Dini,99,Maisha,38,Mashairi,52,Sitosahau,37,Teknolojia,6,Usichokijua,14,
ltr
item
mrbunduki: MAMBO 28 USIYOYAJUA KUHUSU MIMI (SAIDI BUNDUKI)
MAMBO 28 USIYOYAJUA KUHUSU MIMI (SAIDI BUNDUKI)
Huenda unanifahamu vizuri tu,ila fahamu na mambo ambayo ninayo (Japo kwa uchache)
https://1.bp.blogspot.com/-uLp5XiYnKUY/X6VI-yCsRoI/AAAAAAAAaBo/ns_iqnmyi4MOBT7tjyodP1YJ16XO1BoMACLcBGAsYHQ/w292-h392/DSC_1191vv.jpg
https://1.bp.blogspot.com/-uLp5XiYnKUY/X6VI-yCsRoI/AAAAAAAAaBo/ns_iqnmyi4MOBT7tjyodP1YJ16XO1BoMACLcBGAsYHQ/s72-w292-c-h392/DSC_1191vv.jpg
mrbunduki
https://www.mrbunduki.com/2022/01/mambo-28-usiyoyajua-kuhusu-mimi-saidi.html
https://www.mrbunduki.com/
https://www.mrbunduki.com/
https://www.mrbunduki.com/2022/01/mambo-28-usiyoyajua-kuhusu-mimi-saidi.html
true
3501413861140022348
UTF-8
Loaded All Posts Hakuna chapisho lolote View All Read more Reply Cancel reply Delete By Home PAGES POSTS View All Recommended posts LABEL ARCHIVE Search/Tafuta ALL POSTS Bahati mbaya, Ulichotafuta hakipo Rudi nyumbani/Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content